2016-cı il Rio-de-Janeyro Yay Olimpiya Oyunlarının rəsmi saytında Azərbaycanla bağlı səhvə yol verilib. Sportnet.az-ın məlumatına görə, sıralamada Azərbaycan 4 medalla 50-ci pillədə göstərilib.
Ölkəmizin aktivində 2 gümüş, 2 bürünc medalın olduğu qeyd edilib. Halbuki, hələlik idmançılarımız 2 gümüş, 1 bürünc medal qazanıblar. Rəsmi sayt isə yunan-Roma güləşçisi Sabah Şəriətinin bürünc medalını 2 dəfə göstərib.
Əslində Azərbaycan yığmasından boksçu Kamran Şahsuvarlı da yarımfinala yüksələrək, ən azı bürünc medalı təmin edib. Amma həmin medalın əyarı dəqiqləşməyənədək, sıralamada əksini tapmayacaq.
Qeyd edək ki, rio2016.com-dakı yanlışlıq aradan qaldırılsa belə, Azərbaycanın mövqeyi dəyişməyəcək.
