2017-ci ildə Bakıda keçiriləcək IV İslam Həmrəyliyi Oyunlarının Əməliyyat Komitəsində çalışan xarici mütəxəssislərin sayı I Avropa Oyunlarındakılardan 10 qat azdır. Sportnet.az-ın məlumatına görə, bu barədə gənclər və idman naziri Azad Rəhimov açıqlama verib.
O bildirib ki, "Bakı-2015"də 500-dən artıq xarici, 1000-dən çox azərbaycanlı gəncin xidmətindən yararlanıblar: "Bu dəfə xarici mütəxəssislərin sayı 10 qat azdır, yerlilər isə qat-qat çoxdur. Xarici mütəxəssislər əsasən, departamentlərin rəhbərləridir".
Qeyd edək ki, IV İslam Həmrəyliyi Oyunları gələn il 12 - 22 mayda təşkil olunacaq.
