Kiberidman 2024-cü il Yay Olimpiya Oyunlarının proqramına daxil edilə bilər.
Sportnet.az-ın məlumatına görə, bu barədə Fransanın paytaxtı Parisdə keçiriləcək Oyunların Təşkilat Komitəsinin rəhbəri Toni Estanquet "Associated Press”ə açıqlama verib.
O bildirib ki, bunun üçün kiberidman nümayəndələri və Beynəlxalq Olimpiya Komitəsi arasında müzakirələr aparılacaq.
2024-cü il Yay Olimpiya Oyunlarının proqramı 2019-cu ildə müəyyənləşdiriləcək, Tokio-2020-dən sonra isə təsdiqlənəcək.
Qeyd edək ki, kiberidman (digər adı e-Sport) kompüter oyunu yarışmalarına verilən addır. Əsasən peşəkar oyunçular arasında təşkil edilir. Kiberidmanlarda ən çox rastlanılan oyun növləri real zamanda strategiya oyunları, döyüş oyunları, birinci şəxs atıcı oyunları və idman oyunlarıdır.
