Beynəlxalq Olimpiya Komitəsinin (İOC) prezidenti Tomas Bax İspaniyanın Barselona şəhərində baş vermiş terror aktını pisləyib. Sportnet.az-ın məlumatına görə, almaniyalı funksioner dünyasını dəyişənlərin ailələrinə başsağlığı verib.
O, İOC-un "Twitter" mikrobloqunda yazıb: "Barselonadakı terror aktı 1992-ci il olimpiadasının keçirildiyi şəhərdəki olimpiya dəyərlərinə də hücum deməkdir. Biz bu hadisəni pisləyirik. Bütün zərərçəkənlər, onların ailələri və dostlarının yanındayıq".
Qeyd edək ki, avqustun 17-də mikroavtobus Barselonanın mərkəzində piyadaların hərəkət etdiyi Rambla küçəsinə daxil olub. Nəticədə 13 nəfər ölüb, 50-si isə yaralanıb.
