Fransa paytaxtında 2024-cü il Paris Yay Olimpiya Oyunlarının rəsmi loqotipi təqdim olunub.
Sportnet.az xəbər verir ki, emblem gümüşü-qızıl rəngdədir və 3 simvoldan ibarətdir. Loqotip Olimpiya alovunun təsvir edildiyi qızıl medala bənzəyir.
Həmçinin loqotipdə Fransa simvolunun xüsusiyyətləri təsvir edilib. Təşkilatçıların sözlərinə görə, medal idmanı simvollaşdırır, atəş olimpiya hərəkatıdır, Mariana isə Fransanı əks etdirir.
Qeyd edilir ki, tarixdə ilk dəfə emblem Olimpiya və Paralimpiya Oyunları üçün ümumi olacaq. Olimpiada 26 iyul - 11 avqustda, Paralimpiada isə 28 avqust - 8 sentyabrda təşkil ediləcək.
