2016-cı il Rio-de-Janeyro Yay Olimpiya Oyunlarının büdcəsi açıqlanıb. Sportnet.az-ın Braziliya Milli Olimpiya Komitəsinə istinadən məlumatına görə, qarşıdakı olimpiadaya 9,75 milyard dollar xərclənəcək.
2012-ci il London olimpiadasına 16,3 milyard dollar, 2014-cü ildə Braziliyada keçirilmiş futbol üzrə dünya çempionatına isə 6,8 milyard dollar sərf olunub.
Qeyd edək ki, XXXI Yay Olimpiya Oyunları 5 - 21 avqustda keçiriləcək. Bu, Cənubi Amerika materikində təşkil olunmuş ilk olimpiada kimi tarixə düşəcək.
