"Xəzər Lənkəran"ın sabiq baş məşqçisi Con Toşakın yeni iş yeri müəyyənləşib. Sportnet.az-ın məlumatına görə, uelsli mütəxəssis Mərakeşin "Vidad" komandasına rəhbərlik edəcək.
Bəzi mənbələrdə onunla 2 illik müqavilə bağlanıldığı deyilsə də, əksər yerli saytlar bu təyinatın klub prezidenti seçkisindən sonra gerçəkləşəcəyini yazıb. Daha dəqiqi, iyunun 29-da baş tutacaq seçkidə Səid Nasiri qələbə qazanacağı təqdirdə, baş məşqçi postuna Toşak gətiriləcək. Nasirinin seçilmə şansları isə daha yüksək qiymətləndirilir. Çünki o, əvvəlki prezident Abdullah Əl-Əkrəmin dəstəyini qazanıb.
Qeyd edək ki, Con Toşak "Xəzər Lənkəran"da 2013-cü il martın 9-dan noyabrın 22-dək çalışıb.
