Azərbaycan futbol üzrə Çempionlar Liqasında təmsil edən "Qarabağ" klubunun II təsnifat mərhələsində Monteneqro təmsilçisi "Rudar"la cavab görüşünün başlama vaxtı məlum olub. Sportnet.az-ın məlumatına görə, matç iyulun 22-də Bakı vaxtı ilə 23:45-də start götürəcək.
Tərəflər Petrovats şəhərindəki 1500 tamaşaçı tutumuna malik "Pod Malim Brdom" stadionunda üz-üzə gələcəklər.
Qeyd edək ki, "Qarabağ" "Rudar"la ilk matçını iyulun 15-də Tofiq Bəhramov adına Respublika Stadionunda keçirəcək. Görüş saat 21:30-da başlanacaq.
