"Xəzər Lənkəran"ın Türkiyədə keçirdiyi təlim-məşq toplanışı çərçivəsində "Kayseri Erciyesspor" A2 komandası ilə bu gün keçirəcəyi yoxlama oyunu təxirə salınıb. Sportnet.az-ın məlumatına görə, bu barədə klubun rəsmi saytı xəbər verib.
Rəqib komandanın xahişinə əsasən bu qarşılaşma qeyri-müəyyən vaxta təxirə salınıb. Səbəb isə türk klubunun heyətində bir sıra futbolçunun zədələnməsidir.
Qeyd edək ki, plan üzrə "Xəzər Lənkəran" 11 iyul tarixində yoxlama oyunu keçirəcək. Lakin rəqibin kimliyi hələ məlum deyil.
