Azərbaycan millisi və Rusiyanın "Rubin" klubunun futbolçusu Ruslan Abışovun "Qəbələ"yə keçidi rəsmiləşib. Sportnet.az-ın məlumatına görə, 27 yaşlı müdafiəçinin adı təmsilçimizin Avropa Liqası üçün sifariş ərizəsinə daxil edilib.
Xəbəri "Qəbələ"nin rəsmi saytı da təsdiqləyib. Xəbərdə bildirilir ki, Abışov yaxın 6 ay ərzində icarə əsasında "qırmızı-qaralar"ın şərəfini qoruyacaq. O, klubun yay transfer dövründə Ruslan Əmircanov, Andrey Kristea və Adrian Ropotandan sonra heyətinə qatdığı 4-cü futbolçu olub.
Qeyd edək ki, 10 oktyabr 1987-ci ildə Bakıda anadan olan Ruslan Abışov peşəkar futbolçu karyerasına 2006-cı ildə paytaxt təmsilçisi "Neftçi"də start verib. 2012-ci ilədək flaqmanın heyətində çıxış etmiş müdafiəçi 2012/2013-cü il mövsümündə "Xəzər Lənkəran"ın formasını geyinib. 2013-cü ildə isə onun ölkə xaricinə - Rusiyanın "Rubin" klubuna transferi gerçəkləşib. Azərbaycan milli komandasının aparıcı oyunçularından olan Abışov yığmamızın heyətində 39 oyuna 4 dəfə rəqib qapılarına yol tapıb.
Qeyd edək ki, 10 oktyabr 1987-ci ildə Bakıda anadan olan Ruslan Abışov peşəkar futbolçu karyerasına 2006-cı ildə paytaxt təmsilçisi "Neftçi"də start verib. 2012-ci ilədək flaqmanın heyətində çıxış etmiş müdafiəçi 2012/2013-cü il mövsümündə "Xəzər Lənkəran"ın formasını geyinib. 2013-cü ildə isə onun ölkə xaricinə - Rusiyanın "Rubin" klubuna transferi gerçəkləşib. Azərbaycan milli komandasının aparıcı oyunçularından olan Abışov yığmamızın heyətində 39 oyuna 4 dəfə rəqib qapılarına yol tapıb.
