Bu gün "Qarabağ" klubu Çempionlar Liqasının III təsnifat mərhələsində Şotlandiya "Seltik"i ilə cavab görüşünə çıxacaq. Sportnet.az-ın məlumatına görə, oyun Tofiq Bəhramov adına Respublika stadionunda təşkil olunacaq.
Bu komandalar arasındakı ilk görüşdə "Seltik" 82-ci dəqiqədə Dedrik Boyatanın qolu ilə qələbə qazanıb - 1:0. Cavab oyununda "Qarabağ" "pley-off"a vəsiqəni əsas vaxtda həll etmək üçün ən azı 2 top fərqi ilə qalib gəlməlidir. Minimal hesablı qələbə təqdirində isə penaltilər seriyasında dəqiq olmaq lazım gələcək.
Azərbaycan təmsilçisi bu görüşə də Maksim Medvedev itkisi ilə çıxacaq. Medvedev ilk oyun öncəsi məşqdə zədələnib. "Seltik"in heyətində isə sol cinah müdafiəçisi Çarli Malqryu eyni səbəbən oynamayacaq.
Hər iki komanda öz ölkəsinin çempionu kimi mübarizəyə II təsnifat mərhələsindən başlayıb. "Qarabağ" Monteneqro "Rudar"ını cəmi bir qolla üstələyib - 0:0, 1:0. "Seltik" isə İslandiya "Styarnan"ına evdə 2:0, səfərdə isə 4:1 hesabı ilə qalib gəlib. Digər tərəfdən, ötən mövsüm Azərbaycan və Şotlandiya çempionları Avropa Liqasının qrup mərhələsində mübarizə aparıb. "Qarabağ" hakim ədalətsizliyi nəticəsində qrupda qalıb. "Seltik" isə Çempionlar Liqasının III təsnifat mərhələsində Polşa "Legiya"sına 1:4 və 0:2 hesabı ilə uduzmasına baxmayaraq, rəqibin heyətində cəzalı futbolçunun oynaması səbəbindən texniki qələbə ilə mərhələ adlayıb. "Pley-off"da isə qlazqoluların qarşısını Sloveniya "Maribor"u 1:1 və 1:0 hesablı üstünlüklə kəsib. Beləliklə, Seltik" mübarizəni Avroliqada davam etdirib və qrup ikincisi kimi 1/16 finala vəsiqə qazanıb. Növbəti mərhələdə qlazqoluların qarşısını isə məhz Ağdam komandası ilə eyni qrupda çıxış etmiş İtaliya "İnter"i kəsib - 3:3, 0:1.
Qeyd edək ki, "Qarabağ" - "Seltik" duelindən üstün ayrılacaq komanda "pley-off"a yüksəlməklə yanaşı, ən azı Avropa Liqasının qrup mərhələsinə vəsiqəni təmin edəcək. Cütlüyün məğlub tərəfinə isə Avroliqanın "pley-off"undan qrupa vəsiqə şansı veriləcək.
Çempionlar Liqası
III təsnifat mərhələsi, cavab oyunu
21:30. "Qarabağ” (Azərbaycan) – "Seltik” (Şotlandiya) - 0:0
"Qarabağ": 13. İbrahim Şehiç, 2. Qara Qarayev, 14. Rəşad Sadıqov (k), 20. Riçard Almeyda, 25. Ansi Aqolli, 10. Dani Kintana, 55. Bədavi Hüseynov, 9. Reynaldo, 67. Alharbi Əl Jadeyaoui, 18. İlqar Qurbanov, 29. Raydell Pupon
Ehtiyat oyunçular: 1. Fərhad Vəliyev, 32. Elvin Yunuszadə, 6. Vüqar Mustafayev, 11. Elvin Məmmədov, 77. Cavid Tağıyev, 91. Coşqun Diniyev, 22. Əfran İsmayılov
Baş məşqçi: Qurban Qurbanov
"Seltik": 1. Kreyq Qordon, 3. Emilio İsaqirre, 5. Vircil van Deyk, 20. Dedrik Boyata, 23. Mikael Lustiq, 6. Nir Biton, 8. Skott Braun (k), 14. Stüart Armstronq, 16. Qari Makkay Stiven, 25. Stefan Yohansen, 7. Nadir Çiftçi
Ehtiyat oyunçular: 26. Loqan Baillu, 4. Efe Ambrose, 22. Seydi Yanko, 15. Kris Kommons, 18. Tom Rogic, 49. Ceyms Forrest, 9. Li Qriffits
Baş məşqçi: Ronni Deyla
5 avqust. Bakı. Tofiq Bəhramov adına Respublika stadionuBaş məşqçi: Ronni Deyla
Baş hakim: Martin Stromberqsson
Baş hakimin köməkçiləri: Daniel Qustavvson, Stefan Hallberq
Dördüncü hakim: Yohan Hamlin (Hamısı İsveç)
UEFA nümayəndəsi: Peter Lundstrom (Finlandiya)
Hakim-inspektor: Alan Hamer (Lüksemburq)
İlk oyun: 0:1
