"Zirə” daha bir futbolçu ilə güclənib. Sportnet.az-ın məlumatına görə, bu, ötən mövsüm Topaz Premyer Liqasının bombardiri olmuş Nurlan Novruzovdur.
"Bakı” klubu ilə razılığa əsasən, Novruzov 6 aylıq icarə əsasında "Zirə”də çıxış edəcək. Ancaq onunla müqavilənin müddəti artırıla bilər. Bu haqda artıq futbolçu ilə şifahi razılıq əldə olunub. Klublar arasında da razılıq əldə olunarsa, 6 aydan sonra gənc forvardla anlaşma yenilənəcək.
Qeyd edək ki, Nurlan Novruzov ötən mövsüm 15 qol vurub.
