"Qəbələ” futbol klubunun sabiq kapitanı Cavid Hüseynovun ev dustaqlığına buraxılması ilə bağlı Səbail Rayon Məhkəməsinə müraciət ediləcək. Sportnet.az-ın məlumatına görə, bu barədə "Report”a onun vəkili Adəm Məmmədov açıqlama verib.
Məmmədov məhkəməyə gələn həftə vəsatətlə müraciət olunacağını bildirib.
Qeyd edək ki, bu gün Bakı Apellyasiya Məhkəməsində C.Hüseynovun apellyasiya şikayətinə baxılıb. Futbolçu barədə Səbail Rayon Məhkəməsinin 3 aylıq həbs-qətimkan qərarı qüvvədə saxlanılıb.
