Bu gün Topaz Premyer Liqasının II turunun oyunlarına start veriləcək. Sportnet.az-ın məlumatına görə, azarkeşlər ilk oyun günündə 2 qarşılaşmaya şahidlik edəcəklər.
İlk turda "Qəbələ” ilə vacib oyunda son dəqiqələrdə qələbəni əldən vermiş "Qarabağ” Premyer Liqaya yenidən qayıtmış, ilk turda "Sumqayıt”la qolsuz bərabərə qalmış "Rəvan”ın qonağı olacaq. Qurban Qurbanovun yetirmələrinin bu oyuna 3 xal üçün çıxacağı şübhə doğurmasa da, ötən ilin çempionlarının qarşıdan gələn ağır Avropa Liqasının oyunlarına daha çox önəm verməsi "Rəvan”ın da xal qazanma şanslarını artırır.
Ötən tur "Qarabağ”la oyunda hakimin müəmmalı qərarı nəticəsində azlıqda qalmasına baxmayaraq, məğlubiyyətdən qaçmağı bacaran "Qəbələ” bu dəfə ilk turda debutant "Zirə” qarşısında inamsız təsir bağışlayaraq məğlub olan AZAL-ın qonağı olacaq. Baş məşqçi Roman Qriqorçukun komandasının bu oyuna qələbə üçün çıxacağı çoxlarına sirr deyil. Digər tərəfdən, maliyyə sıxıntıları çəkən "təyyarəçilər”in də güclü rəqibinə müqavimət imkanlarının məhdud olması qonaqların qələbə şanslarını daha da artırır.
15 avqust (şənbə)
"Rəvan” – "Qarabağ” - 1:2
Qollar: Tural Qürbətov, 87 - Yamin Ağakərimzadə, 67-öz qapısına. Qara Qarayev, 83
Hakimlər: Ramil Diniyev, Vüqar Bayramov, Vaqif Musayev, Xəlil Xəlilov
Hakimlər: Ramil Diniyev, Vüqar Bayramov, Vaqif Musayev, Xəlil Xəlilov
"Bayıl Arena”, 21:00
AZAL – "Qəbələ” - 0:2
Qol: Aleksey Qay, 45+1. Aleksey Antonov, 76
Hakimlər: Fariz Yusifov, Elman Musayev, İsgəndər Əliyev, Ziya Nəsirov
Hakimlər: Fariz Yusifov, Elman Musayev, İsgəndər Əliyev, Ziya Nəsirov
"AZAL Arena”, 21:00
