Ukrayna "Dnepr"inin futbolçusu Nikola Kaliniç İtaliyanın "Fiorentina" klubuna keçib. Sportnet.az-ın Florensiya təmsilçisinin saytına istinadən məlumatına görə, xorvatiyalı hücumçu ilə 4 illik müqavilə bağlanılıb.
27 yaşlı forvarddan ötrü "Dnepr"ə 5 milyon avro ödənilib. Bu, Dnepropetrovsk klubu tarixində ən böyük transferlərdən biri olub.
Qeyd edək ki, Nikola Kaliniç "Dnepr"ə 2011-ci ildə İngiltərə "Blekbern"indən 3 milyon avroya keçib. O, uzun müddət ümidləri doğrultmasa da, ötən mövsüm oyununda sıçrayış edib. Kaliniç bütün turnirlərdə 19 qol vurub ki, bunlardan 5-i Avropa Liqasına təsadüf edib. Qolların 2-si məhz qrup mərhələsində "Dnepr"in "Qarabağ"ı Bakıda 2:1 hesabı ilə yendiyi qarşılaşmaya təsadüf edib.
