"İnter" və "Neftçi" komandaları arasında keçirilən Azərbaycan Premyer Liqasının II tur matçından sonra qalmaqal baş verib. Sportnet.az-ın məlumatına görə, görüş başa çatan kimi "Neftçi" fanatlarından biri öz komandasının futbolçularına hücum edib.
Bu zaman o, sərt reaksiya ilə üzləşib. Araz Abdullayevlə Rahil Məmmədli azarkeşi vurmağa cəhd edib. Araya girən "Neftçi"nin sabiq futbolçusu, hazırda "İnter"də çıxış edən Mirhüseyn Seyidov onları aralayıb.
Dərhal polis müdaxilə edərək, həmin azarkeşi zərərsizləşdirib və özləri ilə aparıb. Fanatın "Forza Neftçi" azarkeş qrupunun üzvü olduğu güman edilir.
Qeyd edək ki, "Neftçi" matçdan 0:1 hesablı məğlubiyyətlə ayrılıb.
