"Maraqlı oyun keçdi, qol vəziyyətlərindən yararlana bilmədik. Bəxtimiz gətirmədi". Sportnet.az-ın məlumatına görə, bunu "CBC Sport"a açıqlamasında "Rəvan"ın baş məşqçisi Emin Quliyev deyib.
Gənc mütəxəssis "Xəzər Lənkəran"la 1:1 hesablı heç-heçə ilə nəticələnən Azərbaycan Premyer Liqasının III tur qarşılaşmasından sonra hakimlərin ünvanına tənqidi fikirlər səsləndirib: "Hakimlərdən çox narazıyam. 3 oyundur bizi sıxırlar bilmirəm niyə? Olmayan yerdən penalti verirlər".
Quliyev Premyer Liqaya hazırlıq üçün cəmi 20 gün vaxtlarının olduğunu xatırladaraq, deyib ki, Azərbaycan yığmasının oyunları ilə əlaqədar yaranan fasilə müddətində daha yaxşı hazırlıq keçməyə çalışacaqlar. O, əvvəllər kapitanı və məşqçisi olduğu "Xəzər Lənkəran"a və onun azarkeşlərinə mehriban qarşılanması səbəbindən minnətdarlıq edib.
