Avropa Liqasının qrup mərhələsinin 3-cü turunda səfərdə "Monako”ya 0:1 hesabı ilə uduzan "Qarabağ”ın baş məşçqisi Qurban Qurbanov oyun haqqında fikirlərini bildirib. Sportnet.az "qafqazinfo”ya istinadən xəbər verir ki, 43 yaşlı mütəxəssis komandasının bəzi səhvlərə yol verdiyini bildirib.
Qurbanov qeyd edib ki, müdafiədə yaxşı oynasalar da, diqqətsizlik məğlubiyyətə səbəb olub: "Biz oyunda yaxşı müdafiə olunduq. Amma ani diqqətsizliklər məğlubiyyətə səbəb oldu. Bir epizodda səhv qapımızda qol görməyimizlə nəticələndi. Rəqibin heyətində ulduz futbolçular var. Belə komadaya qarşı çıxış etmək çətindir. Əlimizdən gələni etdik. "Monako” son oyunlarda çox yaxşı çıxış edir. Futbol hər zaman sürprizlərlə doludur. Amma bu gün olmadı. Evdə bu komandanı məğlub etməyə çalışacağıq. Bizim qrupda seçilmiş komandalar var. Sona kimi oynayacağıq. Növbəti mərhələ şanslarımız qalır. Biz düzgün olanı etmək istəyirik”.
Qeyd edək ki, görüş meydan sahiblərinin qələbəsi ilə yekunlaşıb - 1:0.
