"Çelsi" klubu İngiltərə Premyer Liqasında 5-ci məğlubiyyətlə üzləşib. Sportnet.az-ın məlumatına görə, "zadəganlar" X turda səfərdə "Vest Hem"ə 1:2 hesabı ilə uduzub.
Qarşılaşmanın 44-cü dəqiqəsində baş hakim Conatan Moss qonaqların futbolçusu Nemanya Matiçi meydandan qovub. Bundan narazı qalan baş məşqçi Joze Mourinyo fasilə zamanı hakimlər otağına girməyə cəhd edib. Bu səbəbdən, o, ikinci hissəni tribunada keçirməli olub. Fasilədən sonra Mourinyonun köməkçilərindən biri də texniki zonadan kənarlaşdırılıb.
Bu qələbə sayəsində "Vest Hem" xallarını 20-yə çatdıraraq, 2-ci pilləyə yüksəlib. "Çelsi" isə 11 xalla 15-ci pillədə qalıb.
