"Qəbələ"nin uzun müddətdir zədəli olan futbolçusu Rafael Santos komanda ilə birgə məşqlərə başlayıb. Bu barədə Sportnet.az-a klubun meneceri Səbuhi Səfiyarlı məlumat verib.
Onun sözlərinə görə, noyabrın 5-də Almaniyanın Dortmund şəhərində "Borussiya" ilə keçirəcəkləri Avropa Liqasının qrup mərhələsinin IV tur matçında braziliyalı müdafiəçinin "Qəbələ"yə kömək edəcəyi gözlənilir.
Qeyd edək ki, Rafael Santos sentyabrın əvvəllərində məşq zamanı ayağından zədə alıb.
