"Çox çətin, ağır oyun oldu. Heç-heçə və məğlubiyyət təqdirində də eyni sözləri deyəcəkdim". Sportnet.az-ın məlumatına görə, bunu "Kəpəz"in baş məşqçisi Şahin Diniyev "Qəbələ"ni səfərdə 2:1 hesabı ilə yendikləri Azərbaycan Premyer Liqasının XI tur matçından sonra deyib.
49 yaşlı mütəxəssis sürətli oyun təklif etdiyi üçün "Qəbələ"yə minnətdarlığını bildirib: "Xüsusən ikinci hissədə sürətli oyun izlədik. Oyundan öncə bildirmişdim ki, görüş qarşılıqlı hücumlar şəraitində keçiriləcək. Oyuna görə komandamla fəxr edirəm. Mənim ciddi dəyişikliklər etmək imkanım yoxdu. Sıx qrafikdə komandam qəhrəmancasına mübarizə apardı. Komandama sonadək inanırdım. Biz öz vaxtımızı gözlədik. Sonda həmin an yetişdi və biz qələbə topunu vurduq”.
