Almaniyanın "Borussiya" (Dortmund) klubunun futbolçusu Marko Röys məşqləri bərpa edib. Sportnet.az-ın klubun rəsmi saytına istinadən məlumatına görə, 26 yaşlı yarımmüdafiəçi Bundesliqanın XIII turunda "Hamburq"la matçda forma geyinə biləcək.
Röys noyabrın 5-də "Qəbələ" ilə Avropa Liqasının qrup mərhələsinin IV tur matçında əzələsindən zədə almışdı. Artıq zədəsini bərpa edən futbolçu Avroliqada "Krasnodar"la növbəti tur qarşılaşmasında da çıxış edəcək.
