Bu gün futbol üzrə Azərbaycan Premyer Liqasının daha iki oyunu keçirilib. Sportnet.az-ın məlumatına görə, "Qarabağ" "Sumqayıt"ı, "Zirə" isə "Qəbələ"ni qəbul edib.
"Qarabağ" ardıcıl ikinci matçını qələbəsiz başa vurub. Baş məşqçi Qurban Qurbanovun komandası XVII turun qarşılaşmasında evdə "Sumqayıt"ı məğlub edə bilməyib. Tofiq İsmayılov adına Suraxanı qəsəbə stadionunda keçirilmiş qarşılaşma 2:2 hesablı heç-heçə ilə yekunlaşıb. Qonaqlar 7-ci dəqiqədə Amil Yunanov, 53-cü dəqiqədə isə Mikayıl Rəhimovun qolları ilə hesabda önə keçiblər - 2:0. Lakin 57-ci dəqiqədə Riçard Almeyda penalti ilə fərqi azaldıb, 57-ci dəqiqədə isə Dani bərabərlik qolunu vurub.
"Qarabağ" qələbə topuna da imza atmaq istərkən azlıqda qalıb. 90+1-ci dəqiqədə Raydell Pupon ikinci sarı vərəqənin ardından meydanı tərk etməli olub. Beləliklə, "Qarabağ" ilk dövrədə 0:1 hesabı ilə uduzduğu "Sumqayıt"a yenə qalib gələ bilməyib.Ardıcıl 2 oyunda xal itkisinə rəğmən, "Qarabağ" 37 xalla turnir cədvəlinə başçılıq edir. Xallarını 17-yə çatdıran "Sumqayıt" isə 7-ci pilləyə yüksəlib. Liderin xal itkisindən "Zirə" yararlana bilib. Baş məşqçi Adil Şükürovun komandası ikinci dövrədə cəmi bir qələbə qazana bilən "Qəbələ"ni minimal hesabla yenərək, ikinci pilləyə yüksəlib. Hazırda 29 xala malik debütant "Qarabağ"dan 8 xal geri qalır.
Premyer Liqa, XVII tur
16:30. "Qarabağ" (Ağdam) - "Sumqayıt" - 2:2
Qollar: Riçard Almeyda, 57-penalti ilə. Dani Kintana, 89 - Amil Yunanov, 7. Mikayıl Rəhimov, 54
Qollar: Riçard Almeyda, 57-penalti ilə. Dani Kintana, 89 - Amil Yunanov, 7. Mikayıl Rəhimov, 54
Qırmızı vərəqə: Raydell Pupon, 90+1 ("Qarabağ")
Hakimlər: Ömər Paşayev, Vaqif Musayev, Vüqar Bayramov, Yaşar Abbasov
Hakimlər: Ömər Paşayev, Vaqif Musayev, Vüqar Bayramov, Yaşar Abbasov
Əlavə köməkçi hakimlər: Ramil Əhmədov, Rəvan Həmzəzadə
AFFA nümayəndəsi: Nüvər Xasıyev
Hakim-inspektor: Əli Hüseynov
Bakı. Tofiq İsmayılov adına Suraxanı qəsəbə stadionu
18:30. "Zirə" (Bakı, - "Qəbələ" - 0:1
Qol: Nicat Qurbanov, 24
Bakı, Zirə İdman Kompleksinin stadionu
Bakı, Zirə İdman Kompleksinin stadionu
Turun digər oyunları isə sabah keçiriləcək. Son oyun günündə "Xəzər Lənkəran" Gəncənin "Kəpəz" klubunu, "Neftçi" isə AZAL-ı qəbul edəcək.
Qeyd edək ki, turun açılış oyununda "Rəvan" doğma meydanda "İnter"ə 0:2 hesabı ilə məğlub olub.
