AZAL klubundan ayrıldıqdan sonra növbəti mövsümü "Araz Naxçıvan”da keçirəcəyi gözlənilən Azərbaycan millisinin sabiq qapıçısı Cahangir Həsənzadə fikrindən daşınıb. Bu barədə Sportnet.az-a açıqlama verən 35 yaşlı qolkiper Naxçıvan komandasından ayrılmasını ailəvi problemlərlə əlaqələndirib.
"Düzdür, öncədən demişdim ki, Naxçıvana getməkdə heç bir problem yoxdur. Lakin ailəmlə məsləhətləşdim, belə qərara gəldim ki, getməyim. Əslində Naxçıvan təmsilçisi ilə müqaviləyə imza atmamışdım. Sadəcə danışıb-anlaşmışdıq. Alınmayanda da dedim ki, gələ bilməyəcəyəm. Hazırda başım sırf ailəmə qarışıqdır”.
Qeyd edək ki, Cahangir Həsənzadə son 5 mövsümü AZAL-da keçirib.
