Hollandiya toplanışını davam etdirən "Qəbələ" klubu sıralarını daha bir futbolçu ilə gücləndirib. Sportnet.az-ın klubun rəsmi "Facebook" səhifəsinə istinadən məlumatına görə, nigeriyalı hücumçu Ekiqo Ehiosla 1 illik müqavilə imzalanıb.
1990-cı il iyunun 25-i Nigeriyada anadan olan Ehios peşəkar futbolçu karyerasına 2008-ci ildə ölkəsinin "Varri Volfs" klubunda başlayıb. 2011-ci ildə Türkiyə "Samsunspor"una transfer olunan hücumçu bir il sonra eyni ölkənin "Gənclərbirliyi" klubuna keçib. O, son mövsümü icarə əsasında "Samsunspor"da keçirib.
Qeyd edək ki, Ekiqo Ehios Nigeriya yığmasının heyətində 3 oyuna 1 qola imza atıb.
