"Xəzər Lənkəran”ın yeni transferi Rəşad Sadiqovun Sportnet.az-a müsahibəsi...
- "Neftçi"nin baş məşqçisi Böyükağa Hacıyev belə bir fikir səsləndirib ki, Rəşad Sadiqovla Mahir Şükürovun gedişindən sonra komandada elə bir dəyişiklik baş verməyib...
- Bu onun fikridir, özü bilər. Baş məşqçi komandasını necə görürsə, elə deyir. Hər məşqçi və hər futbolçu öz fikrini deyə bilər. Burda bir şey yoxdur. Onun fikri belədirsə, elə də oynasınlar… (gülür). Heç bir problem yoxdur.
- Doğrudanmı sabiq komandanız əvvəlki gücdədir?
- Onu mən deyə bilmərəm. Komandanın güclü olub-olmadığını "Neftçi”nin rəhbərliyi deyə bilər. Kənardan hansısa futbolçunun nəsə deməsi düzgün çıxmaz.
- Hiss etmirsiniz ki, Hacıyev dediklərində Sizə qarşı münasibətini ortaya qoyur?
- Mənimlə bağlı hansısa problem olsa, açıq şəkildə deyər. Komandasını elə qurub deyə, belə deyir. Ola bilər təəssüflənmir. Bu, onun öz fikridir.
- Ola bilərmi ki, baş məşqçi ilə yola getməməyinin nəticəsində komanda səninlə yollarını ayırmağa razılaşdı?
- Nəyin nəticəsi olduğunu bir baş məşqçi bilər, bir də klubun rəhbərliyi. Mənə elə gəlir ki, bu sualı onlara versəniz, daha dəqiqini deyərlər.
- Bəs transferinin rəsmiləşməsi niyə yubanırdı?
- Yəqin ki, kompensasiya söhbəti vardı. Bilmirəm pul məsələsi idi, yoxsa "Neftçi" Avroliqada oynadığı üçün yaddan çıxarmışdı. Transfer vərəqimi son 1 həftədə verdilər.
- Siz öz pulunuzdan ödədiniz və məsələ həll olundu?
- Bəli, transfer vərəqim öz pulumdan ödənilərək alınıb. Çünki hələ 1 illik müqaviləm vardı.
