Topaz Premyer Liqasının 2014/2015-ci il mövsümünə uğursuz start verən "Xəzər Lənkəran”da islahatlar davam edir. Bir müddət əvvəl komandadan xaric olunan Junior Nildonun taleyini daha iki legioner yaşayıb.
Klub rəhbərliyi kamerunlu futbolçu Mbilla Etame və braziliyalı menecer Mario Souzanı qovmağa qərar verib. 2013-cü ilin avqustunda "Xəzər Lənkəran”a yeni "amplua"da qayıdan Souzanın fəaliyyəti cəmi 1 il davam edib. 2008 - 2010-cu illərdə futbolçu kimi "ağ-yaşıllar”ın formasını geyinmiş "sambaçı" bu klubda 77 oyunda 26 qol vurub.
"Xəzər Lənkəran” karyerası daha qısa olan Etame isə elə ötən ilin avqustunda transfer olunmuşdu. Afrikalı bu müddətdə keçirdiyi 41 matçda 15 qol vurmağı bacarmışdı.
Qeyd edək ki, komandanın rəisi Səməd Mustafayev də bu gün postundan istefa verib (apasport.az).
