Sentyabrın 9-da AVRO-2016-nın seçmə mərhələsinin ilk oyununda Azərbaycan millisi ilə qarşılaşacaq futbol üzrə Bolqarıstan milli komandasında yeni kapitan müəyyənləşib. Sportnet.az-ın Bolqarıstan mətbuatına istinadən məlumatına görə, kapitan sarğısını daşımağa ən böyük namizəd İngiltərə "Fulhem"ində çıxış edən Nikolay Bodurovdur.
Digər namizədlər arasında isə Yordan Minev və İvan İvanovun adı hallanır.
Qeyd edək ki, Bolqarıstan yığmasının hazırkı kapıtanı İvelin Popov millinin düşərgəsində məşq zamanı zədələndiyindən, Azərbaycan millisi ilə oyunun heyətindən çıxarılıb.
