Macarıstan paytaxtı Budapeşt 2024-cü il Yay Olimpiya Oyunları uğrunda mübarizəyə qatılmaq istəyir. Sportnet.az-ın "Inside the games"ə istinadən məlumatına görə, Macarıstanın Milli Olimpiya Komitəsi son illər paytaxtda bir çox nüfuzlu yarışın təşkilindən sonra belə qənaətə gəlib.
Hələlik ABŞ-ın Boston, Los Anceles, San Fransisko və Vaşinqton, Almaniyanın Berlin və ya Hamburq, İtaliyanın Roma, Fransanın Paris və Türkiyənin İstanbul şəhərləri olimpiada təşkilində maraqlıdır. Bakının da bu kampaniyaya qoşulacağı gözlənilir.
Qeyd edək ki, namizədliklərin verilməsinə 2015-ci ildən başlanılacaq. Qalib şəhərin adı isə 2017-ci ildə açıqlanacaq.
