"Qarabağ" bu həftə Tofiq Bəhramov adına Respublika stadionunda daha bir oyun keçirəcək. Bu barədə Sportnet.az-a mərkəzi arenanın direktoru Akif İsmayılov məlumat verib.
Onun sözlərinə görə, Ağdam komandasının Zaqatala "Simurq"u ilə ev oyunu sentyabrın 21-də məhz Respublika stadionunda baş tutacaq. Görüşün start fiti isə saat 20:00-da çalınacaq. İsmayılov bildirib ki, məqsəd stadionun yeni ot örtüyünün tam oturuşmasına nail olmaq və gələcək oyunlara nə dərəcədə hazır olduğunu sınaqdan çıxarmaqdır.
Qeyd edək ki, "Qarabağ" "Simurq"la oyundan öncə Respublika stadionunda Fransa "Sent Etyen"i ilə Avropa Liqasının qrup mərhələsinin ilk tur matçında üz-üzə gələcək.
