Marius Pena və Ernad Skuliçin "Bakı"ya gələcəyi ilə bağlı yayılan xəbərlər həqiqəti əks etdirmir. Sportnet.az-a bu barədə açıqlama verən klubun vitse-prezidenti Yaşar Seyidov məlumatların yanlış olduğunu dedi.
O, bildirib ki, belə xəbərlərin heç bir əsası yoxdu: "Mən bilmirəm bunları hardan öyrənib yazırlar. Tam yanlış informasiyadır".
Seyidov həmçinin "Bakı"ya qayıdacağı gözlənilən Jaba ilə də bağlı fikirlərini bildirdi. Klub rəsçisinin sözlərinə görə, braziliyalı hücumçu hələlik komandaya qoşulmayıb və o, hazırda Braziliyada viza məsələsi ilə məşğuldur. Futbolçunun yaxın günlərdə klubun düşərgəsinə qoşulacağı gözlənilir.
