"Komandam çox yaxşı oynadı. Təəssüf ki, bu gün bəzi insanlar bizə mane oldu. Bunu mütəxəssislər gördü". Sportnet.az-ın məlumatına görə, bunu "Qəbələ"nin baş məşqçisi Dorinel Muntyanu Topaz Premyer Liqasının VIII turunda "Qarabağ”a 0:2 hesabı ilə uduzduqları oyundan sonra deyib.
Rumıniyalı mütəxəssis bildirib ki, bütün bunlar bəhanə ola bilməz: "İstənilən halda, hadisələr bizim üçün siqnal rolunu oynadı. Növbəti dəfə bunları nəzərə almalıyıq. Etiraf edim ki, müdafiədə xırda səhvlər oldu. Amma ümumi götürsək yaxşı oynadıq. "Qarabağ”la oyunu komanda ilə birgə təhlil edəcəyik”.
