Bu gün "Neftçi”də klubdaxili iclası keçirilib. Sportnet.az-ın məlumatına görə, komanda rəhbərliyi və məşqçilər heyətinin iştirakı ilə baş tutmuş toplantıda əsas müzakirə mövzusu Araz Abdullayev olub.
"Sumqayıt” - "Neftçi” oyununda intizamsız davranışa yol verən futbolçu Araz cəzalandırılması ilə bağlı qərar qəbul edilib. Klubdaxili nizam-intizam qaydalarını pozan yarımmüdafiəçi baş məqşçi Arif Əsədovun təqdimatına əsasən əvəzedici komandaya göndərilib. Bu gün keçirilmiş məşqdən öncə Araz Abdullayevin cəzalandırılması ilə bağlı komanda üzvlərinə və futbolçulara məlumat verilib.
Qeyd edək ki, Araz "Sumqayıt" - "Neftçi" (0:1) oyununun 59-cu dəqiqəsində əvəzlənərkən baş məşqçi Arif Əsədova qarşı hörmətsizlik edərək ona əl uzatmamışdı.
