PREVYU
Bu gün Topaz
Premyer Liqasında IX tura yekun vurulacaq. Sportnet.az-ın məlumatına görə,
birinci dövrəyə 2 oyunla son qoyulacaq və "Neftçi" paytaxt derbisində
"İnter"i, "Qarabağ" isə "Xəzər Lənkəran"ı qəbul
edəcək.
Hazırda turnir cədvəlinə başçılıq edən "İnter" ən yaxın izləyicilərindən olan "Neftçi" ilə səfərdə qarşılaşacaq. Hər iki komandanın heyətlə bağlı ciddi problemi yoxdur. "Neftçi" optimal heyətlə matça hazırdırsa, "İnter"də yalnız Aleksandr Amisulaşvilinin iştirakı sual altındadır.
40-cı paytaxt derbisi öncəsi "İnter"in son 3 görüşdə rəqibindən 7 xal alması "flaqman"da psixoloji gərginliyə səbəb ola bilər. Diqqətçəkən məqamlardan biri də odur ki, bu komandaların oyunlarında əksər vaxtlarda hər iki tərəf qol vurmağa nail olub.
Turun, eləcə də I
dövrənin son görüşündə "Qarabağ" mərkəzi arenada "Xəzər Lənkəran"la
üz-üzə gələcək. Avropa Liqasında "Dnepr"lə ağır səfər matçından
qalibiyyətlə dönən Ağdam klubunda müəyyən yorğunluq ola bilər. Üstəlik,
Çumbinyo və Danilo Dias kimi aparıcı oyunçular da hələ komanda ilə birgə deyillər.
"Dnepr"lə oyunöncəsi məşq zamanı başından xəsarət alan Leroy Corcun
oynayıb-oynamayacağı isə həkimlərin rəyindən asılı olacaq. Həmçinin "Xəzər
Lənkəran"da da itkilər var. Xəbər verdiyimiz kimi, Cahangir Həsənzadə,
Ufuk Budak və Ağabala Ramazanov bu qarşılaşmanı buraxacaqlar.
Statistikaya nəzər yetirsək görərik ki, artıq 3 ildir bu komandaların duelində bərabərlik qeydə alınmır. "Xəzər Lənkəran" 2014-cü ildə rəqibi ilə keçirdiyi hər iki görüşdə qələbə qazanıb.
26 oktyabr (bazar)
16:00 "Neftçi” - "İnter” - 0:0
Hakimlər: Fariz Yusifov, Namiq Hüseynov, Azər Əsgərov, Teymur Fərhadov
Bakı. "Baksell
Arena”
18:00 "Qarabağ”
-”Xəzər Lənkəran” - 3:2
Qol: İnnosent Emeqara, 19-penalti ilə; 29. Cavid Tağıyev, 33 - Qalin İvanov, 53. Rauf Əliyev, 56
"Qarabağ”: 13. İbrahim Şehiç, 3. Tərlan Quliyev, 6. Hacı Əhmədov, 7. Namiq Yusifov (k), 8. İnnosent Emeqara, 18. İlqar Qurbanov, 24. Admir Teli, 41. Leroy Corc, 55. Bədavi Hüseynov, 77. Cavid Tağıyev, 99. Namiq Ələsgərov
Hakimlər: Ramil Diniyev, Mübariz Haşımov, Mehman Mahmudov, Xəlil Hüseynli
Bakı. Tofiq Bəhramov adına Respublika stadionu.
