Premyer Liqamızda yaranan fasilədən istifadə edən "Bakı" klubu bu gün yoxlama oyununda qüvvəsini sınayıb. Sportnet.az-ın məlumatına görə, komanda "Neftçi” ilə qarşılaşıb.
"Bakı"nın təlim-məşq bazasının stadionunda keçirilən matçda hesabı meydan sahibləri açıb. 38-ci dəqiqədə bərabərlik qolunu vuran "Neftçi"nin bundan artığına gücü çatmayıb. Əvəzində "Bakı" daha 3 dəfə rəqibini mərkəzə dəvət edib. Matç meydan sahiblərinin böyük hesablı qələbəsi ilə bitib.
Yoldaşlıq oyunu
13 noyabr
14:00. "Bakı" - "Neftçi" - 4:1
Qollar: Nuran Qurbanov, 13; Jaba, 45; Raul Yaqubzadə, 59; Valeh Seyidov, 87 - Ruslan Qurbanov, 38
Qeyd edək ki, "Neftçi" hazırda ölkə çempionatının turnir cədvəlində 20 xalla ikinci, "Bakı" isə 11 xalla 8-ci pillədədir.
