Milli
komandanın oyunları ilə əlaqədar Premyer Liqaya
XI turdan sonra müvəqqəti fasilə verilmişdi. Sportnet.az-ın "Simurq” klubunun rəsmi saytına oistinadən məlumatına
görə, bu gündən etibarən çempionat qaldığı yerdən start götürəcək.
”Simurq” klubu doğma arenada "Neftçi”ni qonaq edəcək. Saat 17:00-da start
götürəcək qarşılaşmanın hazırlıqlarını artıq Zaqatala təmsilçisi tamamlayaraq,
istirahətə çəkilib.
İndiyədək "Neftçi” ilə Zaqataladakı görüşlərdə qələbəyə həsrət qalan Georgi Çixradzenin yetirmələri paytaxt təmsilçisilə oyuna ciddi itkilərlə çıxacaq. Uzun müddətdir zədədən əziyyət çəkən Banas Adam fasilə müddətində komandayla birgə məşqlərə başlasada, bu matçda forma geyinə bilməyəcək. Murad Səttarlıyada qarşılaşmada şans verilməyəcək. Həmçinin Vüqar Mustafayev zədə səbəbindən "Neftçi” ilə oyunda komandasına kömək edə bilməyəcək. "Xəzər Lənkəran”la görüşdə sarı vərəqə limitini dolduran Rəşad Eyyubovda cəzalı duruma düşdüyündən bu matçı buraxmalı olacaq.
