"Qәbәlә"dәn göndәrilәn rumıniyalı hücumçu Andrey Kristyanın Sportnet.az-a müsahibәsi:
-Klub rəsmilərindən biri sizin "Qəbələ”dən ayrıldığınız deyib?
-Doğurdan? Mənim heç nədən xəbərim yoxdur. Hazırda Rumıniyadayam və
Yeni il bayramına hazırlaşıram. Klubdan da heç kim mənə bu barədə xəbər verməyib.
-Bəs, nə üçün sizə xəbər verilməyib?
-Bunu onlardan soruşsanız daha yaxşı olar.
-Komandada qalmaq istəyirdiniz?
-Əlbəttə ki. Mən orada qalıb komandama kömək etmək istəyirdim. Amma mənimlə
yollar ayrılacaqsa, nə deyə bilərəm ki? Yəqin yeni baş məşqçinin istəyi əsasında
komandadan göndərilənlər arasında mən də var. Başqa kimlərin adı açıqlanıb?
Bilmirsiz?
-Hələlik sizdən başqa Pinto Yazalde və Aleksandru Benqanın gedəcəyi deyilib...
-Bildim. Roman Qriqorçuk öz komandasını quracaq və biz orada yer
almayacağıq. Hər şey aydındı.
-Onun sonuncu dəfə işlədiyi Ukraynanın "Çernomorets” klubunundan futbolçular gətirəcəyini eştimisiniz?
-Yox. Bu barədə məlumatım yoxdu. Sadəcə bəllidir ki, o özü komandasını
qurmaq istəyir. Hər məşqçi gələndə belə edir.
-Sizcə, Dorinel Muntyanu da nə üçün alınmadı?
-Bunun səbəbini mən deyə bilmərəm. Fikrimcə, yeni komanda idik və zamana ehtiyacımız var idi. Amma təbii ki, "Qəbələ”nin də nəticələrə ehtiyacı var idi. Alınmadı.
