AFFA-nın İntizam Komitəsi Topaz Premyer Liqaısnın son turunda yaşıl meydanlarda baş verənlərə hüquqi qiymət verib. Sportnet.az-ın məlumatına görə, "İnter” – "Simurq” matçının 88-ci dəqiqəsində meydan sahiblərinin futbolçusu Marko Stanojeviç idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub isə 200 manat cərimə olunub.
"Xəzər Lənkəran” isə komitənin qərarına əsasən 2000 manat cərimə olunub. "Bakı” ilə oyunun 90+1-ci dəqiqəsində Ağabala Ramazanov aqressiv hərəkətə görə birbaşa qırmızı vərəqə alaraq meydandan kənarlaşdırıldığı üçün isə 2 oyun cəzalanıb.
Oyunun 90+3-cü dəqiqəsində "Bakı”nın futbolçusu Pelagias Giorgios ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub.
"Qarabağ” – "Qəbələ” matçında isə qonaqların 4 futbolçusu sarı vərəqə ilə cəzalandığı üçün klub 500 manat cərimə olunub.
