DÇ-2014-də təşkilatçı Braziliya ilə Meksika arasında oynanılacaq A qrupunun II tur matçını türkiyəli referi Cüneyt Çakır idarə edəcək. Sportnet.az-ın FİFA-nın rəsmi saytına istinadən məlumatına görə, 37 yaşlı baş hakim iyunun 17-də Bakı vaxtı ilə saat 24:00-da başlanacaq qarşılaşmada fit çalacaq.
Fortaleza şəhərindəki "Kastelao" stadionunda baş tutacaq qarşılaşmada Çakıra həmyerliləri Bahattin Duran ve Tarık Ongun yan xətt hakimləri kimi yardımçı olacaqlar.
Bu matç hər iki komanda üçün böyük önəmə malikdir. Braziliyanın açılış matçında Xorvatiyanı 3:1 hesabı ilə yendiyi görüşdə yaponiyalı referi Yuiçi Nişimura ciddi səhvlərə yol verib. O, hesab 1:1 olarkən, Fredin simulyasiyasına aldanaraq, Xorvatiyanın qapısına penalti təyin edib. Meksika da ilk turda Kamerunu yenməyi bacarıb - 1:0.
Braziliyanın hakimlər tərəfindən irəli çəkildiyinə dair iddiaların irəli sürüldüyü məqamda Çakıra verilən təyinatı xeyli kritik saymaq olar. Braziliya - Meksika matçından qalib ayrılan komanda 1/8 finala vəsiqəni təmin edə bilər.
Fortaleza şəhərindəki "Kastelao" stadionunda baş tutacaq qarşılaşmada Çakıra həmyerliləri Bahattin Duran ve Tarık Ongun yan xətt hakimləri kimi yardımçı olacaqlar.
Bu matç hər iki komanda üçün böyük önəmə malikdir. Braziliyanın açılış matçında Xorvatiyanı 3:1 hesabı ilə yendiyi görüşdə yaponiyalı referi Yuiçi Nişimura ciddi səhvlərə yol verib. O, hesab 1:1 olarkən, Fredin simulyasiyasına aldanaraq, Xorvatiyanın qapısına penalti təyin edib. Meksika da ilk turda Kamerunu yenməyi bacarıb - 1:0.
Braziliyanın hakimlər tərəfindən irəli çəkildiyinə dair iddiaların irəli sürüldüyü məqamda Çakıra verilən təyinatı xeyli kritik saymaq olar. Braziliya - Meksika matçından qalib ayrılan komanda 1/8 finala vəsiqəni təmin edə bilər.
Qeyd edək ki, Cüneyt Çakır 2014-cü il dünya çempionatının seçmə qrup mərhələsində, 2012-ci il klublararası dünya çempionatında və Avropa çempionatında da baş hakim kimi oyunlara təyinat alıb. O, 1974-cü il dünya çempionatında matçları idarə etmiş Doğan Babacandan sonra mundialda fit çalan ilk türkiyəli referi olacaq.
