Bu gün AFFA-nın inzibatı binasında İntizam Komitəsinin iclası keçirilib. Sportnet.az-ın məlumatına görə, Topaz Premyer Liqasının XXXII turunun "Bakı” – "Xəzər Lənkəran” matçının 60-cı dəqiqəsində "Bakı”nın futbolçusu Qeyrət Əliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu isə 200 manat cərimə olunub.
"Qəbələ” – "Qarabağ” matçının 12-ci və 90-cı dəqiqəsində "Qəbələ”nin azarkeşləri tərəfindən pirotexniki vasitələrdən istifadə edildiyinə görə klub 1000 manat cərimə olunub. Oyunun 87-ci dəqiqəsində "Qarabağ” klubunun azarkeşləri tərəfindən meydançaya kənar əşyalar atıldığı görə isə klub 2000 manat cərimə olunub.
