2021-ci ildə Yaponiyanın Kobe şəhərində keçirilməsi planlaşdırılan paraatletika üzrə dünya çempionatı təxirə salınıb.
Sportnet.az Beynəlxalq Paralimpiya Komitəsinin rəsmi saytına istinadən xəbər verir ki, yarış 2022-ci il 26 avqust - 4 sentyabrda olacaq.
Bildirilib ki, dünya çempionatının təxirə salınmasının səbəbi Tokio-2020 Paralimpiya Oyunlarının koronavirusa görə 2021-ci ildə keçirilməsidir.
Tokio-2020 Yay Olimpiya Oyunlarının 2021-ci il 23 iyul - 8 avqust, Paralimpiya Oyunlarının isə 24 avqust - 5 sentyabrda keçirilməsi qərara alınıb.
