2016-cı ilin ən yaxşı idmançısının adı açıqlanıb. Sportnet.az-ın məlumatına görə, "Associated Press"in tərtib etdiyi mükafat ABŞ-ın "Klivlend Kavalyerz" klubunun basketbolçusu Lebron Ceymsə verilib.
Səsvermədə 59 agentliyin redaktoru iştirak edib və onlardan 24-ü Ceymsi ən yaxşı adına layiq görüb. 16 səs üzgüçü Maykl Felpsə, 9 səs isə atlet Useyn Bolta verilib.
Qeyd edək ki, bu, Lebron Ceymsin ikinci mükafatıdır. O, eyni mükafata 2013-cü ildə də sahib çıxıb.
