Danimarka polisi Isveç milli komandasının futbolçusu Zlatan İbrahimoviçi onunla selfi çəkdirmək üçün saxlayıb. Sportnet.az-ın məlumatına görə, hadisə İsveç yığmasının Danimarka millisi ilə AVRO-2016-nın "pley-off" mərhələsinin cavab görüşündən otelə qayıtdığı vaxt baş verib.
İbrahimoviç avtobusdan çıxarkən ona yaxınlıqda duran polsilər yaxınlaşıblar və selfi çəkdirmək istədiklərini bildiriblər. Məşhur forvard xahişi yerə salmayıb və özü də tərəfdarlarını onların telefonuna çəkib.
Qeyd edək ki, Zlatan İbrahimoviç noyabrın 17-də keçirilmiş cavab görüşündə "dubl" edib. Görüş 2:2 hesablı heç-heçə ilə nəticələnsə də, ilk görüşdəki 2:1 hesablı qələbə sayəsində İsveç millisi AVRO-2016-nın final mərhələsinə yüksəlib.
