İngiltərənin "Mançester Yunayted" klubunun futbolçusu Ueyn Runi Premyer Liqanın ikinci ən yaxşı bombardirinə çevrilib. Sportnet.az-ın məlumatına görə, 31 yaşlı hücumçu "Suonsi" ilə matçda fərqlənərək, qollarının sayını 188-ə çatdırıb.
Bununla da İngiltərə yığmasının kapitanı "qırmızı-şeytanlar"ın keçmiş forvardı Endi Koula çatıb. Premyer Liqada məhsuldarlıq rekordu isə 260 qola malik Alan Şirerə məxsusdur.
Qeyd edək ki, "Suonsi" ilə matç "Mançester Yunayted"in qələbəsi ilə yekunlaşıb - 2:1.
