Mayın 30-da Bakıda start götürəcək atletika üzrə Yeniyetmələrin II Yay Olimpiya Oyunlarına lisenziya xarakterli turnirində 40-dan çox ölkənin 800-dək idmançısı mübarizə aparacaq. Sportnet.az-ın məlumatına görə, 3 gün davam edəcək yarışda atletikanın 18 növü üzrə olimpiadaya vəsiqələr paylanacaq.
Təsnifat turniri Tofiq Bəhramov adına Respublika stadionunda, məşqlər Dövlət Bədən Tərbiyəsi və İdman Akademiyasının stadionunda keçiriləcək. 16 - 28 avqustda Çinin Nanjinq şəhərində təşkil olunacaq olimpiadaya oğlanlar 82, qızlar 108 lisenziya əldə edəcəklər. Yarış qitənin bir neçə ölkəsində, eləcə də "Eurosport" kanal vasitəsilə yayımlanacaq.
Təsnifat turniri Tofiq Bəhramov adına Respublika stadionunda, məşqlər Dövlət Bədən Tərbiyəsi və İdman Akademiyasının stadionunda keçiriləcək. 16 - 28 avqustda Çinin Nanjinq şəhərində təşkil olunacaq olimpiadaya oğlanlar 82, qızlar 108 lisenziya əldə edəcəklər. Yarış qitənin bir neçə ölkəsində, eləcə də "Eurosport" kanal vasitəsilə yayımlanacaq.
Azərbaycanı təsnifat yarışlarında 15 idmançı təmsil edəcək. Komandamızın heyətində Avropa Olimpiya Festivalının qalibi Nazim Babayev (üç təkanla tullanma), Yelena Qladkova (şüvüllə tullanma), Abrexa Benafeta (1500 və 3000 m-lik qaçış üzrə) və digərləri olacaq. Açılış mərasimində Milli Olimpiya Komitəsi, Avropa Atletika Assosiasiyasının rəhbər şəxsləri iştirak edəcəklər.
İdman növləri isə bunlardır: 100 m-lik qaçış, 200 m-lik qaçış, 400 m-lik qaçış, 800 m-lik qaçış, 1500 m-lik qaçış, 3000 m-lik qaçış, 110 m-lik səddlərlə qaçış, 400 m-lik səddlərlə qaçış, 2000 m-lik maneələrlə qaçış, 10.000 m-lik idman yerişi, hündürlüyə tullanma, şüvüllə tullanma, uzunluğa tullanma, üç təkanla tullanma, nüvə itələmə, lövhə atma, çəkic atma, nizə atma.
