Futbol üzrə İspaniya Kubokunun qalibi müəyyənləşib. Sportnet.az-ın məlumatına görə, bu, "Barselona" klubudur.
Kataloniya təmsilçisi finalda "Atletik"i 3:1 hesabı ilə məğlub edib. Qalib komandanın heyətində Lionel Messi dubl (dəq. 20; 74) edib. Daha bir qolu Neymar (dəq.36) vurub. "Atletik"dən isə İnaki Ulyams (dəq. 80) fərqlənib.
Bununla da "Barselona" çempionluğun ardından ölkə kubokuna da yiyələnərək, "qızıl dubl" edib. İyunun 6-da isə bu komanda İtaliya "Yuventus"unu Çempionlar Liqasının finalında yenə bilsə, "het-trik"ə imza atacaq.
