Türkiyənin "Beşiktaş” klubu portuqaliyalı futbolçusu Uqu Almeyda illə yolları ayırıb. Sportnet.az-ın xəbərinə görə, bu barədə klubun idarə heyətinin üzvü Ahmet Kavalcı yerli KİV-ə açıqlama verib.
Klub rəsmisi artıq 29 yaşlı hücumçunun gündəmlərində olmadığını və onun əvəzinə yeni forvard alacaqlarını deyib: "Almeyda bizim son təklifimizə heç bir cavab vermədi və mövsüm başa çatan kimi ölkəsinə getdi. O, Portuqaliya millisinin heyətində Braziliyaya yollanacaq və geri qayıdanadək artıq biz yeni hücumçu ilə anlaşmış olacağıq. Müqaviləyə əsasən ona ödəniləcək 2.5 milyon avroluq təzminat isə menecerlik şirkətlərinə çatacaq”.
Qeyd edək ki, Portuqaliya milliyinin də üzvü olan Uqu Almeyda 2011-ci ildə Almaniya "Verder”indən İstanbul klubuna keçib.
