Azərbaycanın taekvondo üzrə kişi və qadınlardan ibarət milli komandalarına yeni baş məşqçilər cəlb olunacaq. Sportnet.az-ın əldə etdiyi məlumata görə, qadınlardan ibarət millimizə Sun Mi Park təyin olunub.
Əvvəllər də yığmamızda eyni vəzifədə çalışmış koreyalı mütəxəssis Gündüz Abdullayevə təhvil verdiyi vəzifəni geri alıb. Sun Mi Parkın son iş yeri Cənubi Koreyanın qadınlardan ibarət yığması olub.
Kişilərdən ibarət millimiz isə iranlı mütəxəssisə tapşırılıb. Kimliyini dəqiqləşdirə bilməsək də, həmin şəxsin bunadək Çin Taypeyinin yığmasına rəhbərlik etdiyi bildirilir. O isə Ələkbər İmaməliyevi əvəzləyib.
Qeyd edək ki, hər iki yığmamızın baş məşqçilərinin istefaya göndərilmələrinə səbəb kimi zəif nəticələri göstərilib.
