UEFA İntizam Komitəsi oktyabrın 10-da Bolqarıstan və Xorvatiya yığmalarının AVRO-2016-nın seçmə mərhələsindəki görüşü zamanı azarkeşlər arasında baş vermiş münaqişə ilə əlaqədar ölçü götürüb. Sportnet.az-ın məlumatına görə, iki ölkənin futbol federasiyaları üst-üstə 155 min avro cərimələnib.
Bu məbləğin 95 min avrosunu yyerli fanatların pirotexniki fişəngdən istifadəsi və yetərincə təşkilatçılığın olmaması üzündən Bolqarıstan tərəfi ödəyəcək. Feyerverk və raketlərdən istifadə edən xorvatiyalı fanatlar isə sevimli komandalarını 60 min avro cərimələyiblər.
Qeyd edək ki, Bolqarıstan - Xorvatiya matçında qonaqlar qalib gəlib - 1:0. Hər iki komanda Azərbaycan millisi ilə eyni qrupda qərarlaşıb.
