Bu gün keçiriləcək "Simurq" - "Qəbələ" matçı ilə Topaz Premyer Liqasının XXI turuna start veriləcək. Sportnet.az-ın məlumatına görə, Şimal-Qərb derbisi hər iki komanda üçün böyük əhəmiyyət kəsb edir.
Hazırda "Simurq" 18 oyundan 25 xalla 4-cü, "Qəbələ" 22 xalla 6-cı pillədə qərarlaşıb. Zaqatala təmsilçisi qələbə qazansa, 3-cü pilləyə yüksələ bilər. Bunun üçün "Neftçi"nin "Xəzər Lənkəran"la görüşdə xal itirməsi lazım gələcək. "Qəbələ" isə mükafatçılar sırasından kənarda qalmamaq üçün mütləq qalib gəlməlidir.
Tarixə nəzər saldıqda, bu komandaların indiyədək 28 dəfə üz-üzə gəldiklərini görmək olar. İlk dəfə onlar 12 il əvvəl – I dəstədə çıxış etdikləri vaxt qarşılaşıblar. Baş tutan oyunlarda üstünlük "Qəbələ”nin tərəfindədir. 12 qələbə qazanan "qırmızı-qaralar" 7 heç-heçə ilə kifayətlənib və 9 dəfə məğlub olub. Son 3 matçda meydanı qolsuz tərk etməyən komanda rəqib qapısına 32 qol vurub, 25 dəfə topu qapısında görüb.
Bu 32 topdan biri zaqatalalıların avtoqoludursa, digər 31 topa 26 oyunçu imza atıb. Dodo "Simurq”la matçlarda hamıdan çox – 3 dəfə sevinib. Deon Barton, Daniel Subotiç və Kristian Torres hərəyə 2 dəfə fərqlənib.
15-ci dəfə "Simurq”un qonağı olacaq "Qəbələ” səfərdə 4 qələbə qazanıb, 5 heç-heçə edib və eyni sayda məğlubiyyətə üzülüb. Rəqib meydanındakı son 3 görüşdə uduzmayan, bu qarşılaşmalarda cəmi 1 qol buraxan "qırmızı-qaralar” top fərqində geridədir – 12:14.
2 dəfə I dəstə, 2 dəfə kubokda qarşılaşan komandalar Premyer Liqa çərçivəsində ilk dəfə 2006-cı ildə üz-üzə gəlib. Bu 9 ildə 24 dəfə görüşən rəqiblər yubiley – 25-ci duelə çıxacaq. Çempionatda daha çox – 9 qələbəsi olan "Qəbələ" 8 dəfə məğlub olub. 7 dəfə sülhlə kifayətlənən rəqiblərin matçlarında "qırmızı-qaralar” daha məhsuldar olub – 25:22.
10 fevral
17:00. "Simurq" - "Qəbələ" - 2:0
Qol: Draqan Çeran, 25; 45+3-penalti ilə
Qırmızı vərəqə: Dmitri Bezotosnı, ("Qəbələ") 45+1.
Qol: Draqan Çeran, 25; 45+3-penalti ilə
Qırmızı vərəqə: Dmitri Bezotosnı, ("Qəbələ") 45+1.
Zaqatala şəhər stadionu
Hakimlər: İnqilab Məmmədov, Rza Məmmədov, Nahid Əliyev, Munis Abdullayev
Əlavə köməkçi hakimlər: Rəhim Həsənov, Elvin Əsgərov
AFFA nümayəndəsi: Mübariz Hüseynov
Hakim-inspektor: Məhəmməd Məmmədov.
"Simurq”: 1. Pavel Kapsa 2. İlkin Qırtımov (k) 4. Xuan Alberto 6. Samir Zərgərov 7. Elnur Abdullayev 10. Rəşad Eyyubov 11. Draqan Çeran 18. Tural Axundov 20. İdan Vaytsman 26. Benjamin Lambot 88. Marko Stanoyeviç
Ehtiyat oyunçular: 35. Amil Ağacanov 3. Adam Banaş 8. Patrik Osiako 9. Mirzağa Hüseynpur 14. Vüqar Mustafayev 15. Stepan Polyak 22. Cihan Özkara
Baş məşqçi: George Çixradze
"Qəbələ”: 22. Dmitri Bezotosnı 4. Elvin Camalov 6. Rəşad Sadiqov 9. Victor Mendi 14. Cavid Hüseynov 15. Ruslan Abışov (k) 18. Ruslan Fomin 19. Aleksey Qay 32. Mixail Sivakov 34. Urfan Abbasov 44. Rafael Santos
Ehtiyat oyunçular: 30. Anar Nəzirov 5. Sadiq Quliyev 10. Dodo 16. Ruslan Tağızadə 25. Adrian Ropotan 27. Bəxtiyar Soltanov 90. Ekiqo Ehiosun
"Simurq”: 1. Pavel Kapsa 2. İlkin Qırtımov (k) 4. Xuan Alberto 6. Samir Zərgərov 7. Elnur Abdullayev 10. Rəşad Eyyubov 11. Draqan Çeran 18. Tural Axundov 20. İdan Vaytsman 26. Benjamin Lambot 88. Marko Stanoyeviç
Ehtiyat oyunçular: 35. Amil Ağacanov 3. Adam Banaş 8. Patrik Osiako 9. Mirzağa Hüseynpur 14. Vüqar Mustafayev 15. Stepan Polyak 22. Cihan Özkara
Baş məşqçi: George Çixradze
"Qəbələ”: 22. Dmitri Bezotosnı 4. Elvin Camalov 6. Rəşad Sadiqov 9. Victor Mendi 14. Cavid Hüseynov 15. Ruslan Abışov (k) 18. Ruslan Fomin 19. Aleksey Qay 32. Mixail Sivakov 34. Urfan Abbasov 44. Rafael Santos
Ehtiyat oyunçular: 30. Anar Nəzirov 5. Sadiq Quliyev 10. Dodo 16. Ruslan Tağızadə 25. Adrian Ropotan 27. Bəxtiyar Soltanov 90. Ekiqo Ehiosun
Baş məşqçi: Roman Qriqorçuk
